男Sales：「你出到去唔好話比人知你讀設計呀！」
點解咁著？因為我以為今日唔會出好耐街，求求奇奇就算。
點知就係因為咁，我就比一間服裝店既Sales「看上」了。。。
Sales：「喂！入黎睇下！我地d衫好靚架！」
e位sales係一個女士，佢就向我遞左一件衫，
說：「e件衫d圖案好靚，係我地design架！」
我一睇，都幾靚，但只不過是一件衫上面印左一d圖案姐，無咩特別！
之後有一位男sales走了過來，
說：「食多d野啦你！你同我以前一樣！不過你睇下我Ｅ家幾大隻！」
我一睇，又真係wor，好羨慕。
男sales繼續說：「我睇你真係唔係好識著衫，你咁瘦，就唔應該著成咁啦！你睇下你個袖口好闊呀，仲有你件衫好長呀，顯得你仲瘦，同埋領口『朗朗』下，真係好唔掂呀！你都21歲啦，要識女仔啦，著成咁點得架！e件（岩岩sales姐姐幫我揀果件）其實袖口比較窄，顯得你個手臂無咁瘦，仲有係收肩，防止件衫『朗朗』下，最後係修腰，貼身！」
我心想：「其實我都知自己衣著唔多掂，所以先黎買衫，改變自己，不過佢係sales，把口應該係哂油，我要小心，唔可以咁易比佢打擊到同tum到！」
女sales：「係啦，你21歲你讀緊大學？」
我：「唔係，我Ｅ家無讀書」
女sales：「出黎做野？」
我：「係，做補習」
女sales：「咁你以前讀咩架」
我：「副學士」
女sales：「好犀利wor（唔係掛＝。＝），讀咩科？」
我：「設計」
男sales：「下，唔係掛，你讀設計著成咁？！你出到去唔好話比人知你讀設計呀」
是很深刻的一句說話！
男sales：「你著緊Ｅ條褲係90年代架啦wor，同埋你咁瘦唔應該咁著！」
男sales即刻拿左一條27腰既牛仔褲比我睇，
說：「你瘦人應該著e d有「內車」既，因為你後面無咩肉，著左會顯得後面大d，但唔可以窄腳，會唔好睇，仲有要夠長，唔好著吊腳褲＜（這我沒有呀，冤枉！）呀！」
我心想（又是心想）：「嘩，原來我有咁xx多問題架，睇真d，佢又講得幾岩，我想試下佢揀比我既褲。就可以証明佢講既野係唔係堅！」
我：「我想試下」
男sales：「我地個試衣室爛左，試唔到啦！」
我又心想：「嘩，大佬，唔係咁大整蠱啊！！！？？？岩岩你講既野係好岩，不過無得試我又唔知岩唔岩，點好？！」
男sales：「唔岩你可以拿回來換的。」
我想：「係Ｅ度如果唔岩係唔係真係會換比你我唔知，不過見男sales既說話真係完全無講錯，仲有佢既眼神好似真係想改造我，而我自己也是希望這樣，再加上那句說話的威力在我心中不斷回響，結果...」
我用４００蚊買左一件「普通」衫和一條牛仔褲。
我真係好想即刻試，之後同我個friend走左去銅鑼灣uniqlo個更衣室度試，一試之下，「普通」衫跟本唔係一件普通衫，不但合身，而且我的身形沒比之前的那麼瘦，太神奇了！而褲，也是很合適，沒有鬆下來，hip位修得很好，不會顯得沒有肉，原來他沒有騙我！
４００元一衫一褲，好抵，因為我還買了很多衣著品味，衣著技巧，一句深刻的說話，同埋常常欠缺的信心！滿載而歸，我真係好開心！
沒有留言:
張貼留言